Drejtoria Vendore e Kufirit dhe Migracionit në Korçë ka lajmëruar qytetarët se sot kanë kaluar 300 qytetarë në pikën kufitare të Kapshticës.
Policia Kufitare shprehet se kuota e personave që udhëtojnë në Greqi nga kjo pikë kufitare për sot është plotëstuar, ndërsa apelon qytetarët të mos udhëtojnë drejt Kapshticës sot.
Njoftimi:
Drejtoria Vendore e Kufirit dhe Migracionit Korçë.
Stacioni i Policisë Kufitare Kapshticë:
Njoftojmë të gjithë qytetarët që janë të interesuar të kalojnë në drejtim të shtetit grek, se aktualisht kuota prej 300 shtetas është plotësuar dhe nga ana e policisë greke është pezulluar puna e nuk do të lejohet kalimi i personave të tjerë për ditën e sotme.
Policia Kufitare apelon për qytetarët që duan të udhëtojnë në drejtim të Greqisë, që të mos vijojnë udhëtimin në drejtim të PKK Kapshticë për ditën e sotme.
Ju faleminderit për mirëkuptimin!